විදුහල්පති ස්වාමීන් වහන්සේගේ පණිවිඩය

අභිමානවත් වූ ඉතිහාසයක සුලකුනු සනිටුහන් කළ නාගොඩ රාජකීය විද්‍යාලය තුළින් බිහි වූ සුවහසක් රාජකීයයන් රට දැය උන්නතිය වෙනුවෙන් විවිධ ක්ෂේත්‍ර හරහා මේ දක්වා දක්වන දායකත්වය ඉතා ප්‍රශංශනීය ලෙස අගය කරමි.
තොරතුරු තාක්ෂණය, සන්නිවේදනය ප්‍රමුඛ කරගත් සෙසු ක්ෂේත්‍රවල සීඝ්‍ර දියුණුවත් සමඟ වත්මන් සිසු දරු දැරියන් හමුවේ නව අභියෝග රැසක් නිර්මාණය වී ඇත. එවන් වටපිටාවක් තුළ නව තාක්ෂණික දැනුම හා බුද්ධිය කේන්ද්‍ර කරගත් සමාජයක ඒ අනාගත අභියෝග ජයගැනීම සවිබල ගන්වනු වස් පාසල් වෙබ් අඩවියක් නිර්මාණය කිරීම පිළිබඳ විද්‍යාලයීය තොරතුරු තාක්ෂණ අංශයට සහ සහාය දුන් සැමට ස්තුතිය ප්‍රකාශ කරන අතර, එය මනා සන්නිවේදන ක්‍රියාවලියක් උදෙසා දායක කර ගනු ඇතැයි අපේක්ෂා කරමි.
රාජකීය දූ දරුවනි,
රාජකීය නාමය ලොව බබලවන්නට, අවැසි දිරිය ශක්තිය වාසනාව නිරතුරුව ඔබට ලැබේවා සුබාසිංසන එක් කරමි.

පූජ්‍ය ගම්මැද්දේගොඩ පදුමජෝති හිමි

විදුහල්පති

නාගොඩ රාජකීය ජාතික පාසල